Tolosaldeko Hitza

Labriten jokatuko dituzte, Iruñean, erremonteko banakako Martiko txapelketa, ostiraletik aurrera. Hiru partida bakarrik jokatuko dituzte, eta finala hilaren 29an izango da. Ligaxka honetan Koteto Ezkurra, Patxi Zeberio, Urrutia eta Lizaso ariko dira.

Labrit pilotaleku laburra da, 36 metrokoa, eta ospea hartzen ari da txapelketa hau, banakakoa eta frontoi txikian delako. Zeberio Urrutiaren aurka ariko da 19:00etan, eta hauen arteko partidaren aurretik binakako norgehiagoka bat izango da, eta hirugarren partida, beste norgehiagoka bat.
Finala hilaren 29an izango da Labriten, 16:00etatik aurrera. ETB 1en zuzenean ikusteko aukera izango da, 17:00etan.
Partida hauek zuzenean ikusteko 10 euro ordaindu behar da, eta finalerako 15 euro. Labriteko leihatilan eros daitezke, ostiraletik aurrera eta 18:30etik aurrera.