Tolosaldeko Hitza

2007-07-27 | 18:01:20

Berastegirako errepidea itxi dute Belauntza parean

Kamio batek karga galdu du, eta bidea oztopatzen ari da.

Belauntza parean itxi egin dute Berastegira doan errepidea. Kamioi batek bere karga galdu eta ondorioz oztopatzen ari da, eta garbitu arte errepidea itxi behar izan dute.

Ez du erantzunik

2007-07-16 | 13:47:06

ZEBERIO II.AK ETA SAN MIGUELEK KIDER TXAPELKETAKO FINALA GALDU DUTE

Ezkurra eta Olazarrek hiru tantorengatik eskuratu zuten txapela

Zeberio II.ari eta San Migueli Kider Txapelketako finalak alde egin die oso berdinduta egon zen norgehiagoka bat jokatu ondoren. Gora-behera asko izan zituen Uharteko Euskal Jaien jokatutako partidak, eta 21. tantora arte, bi bikoteak gogor aritu ziren, tarteka Ezkurra eta Olazarrek aurrea hartuz, tarteka Zeberio II.ak eta San Miguelek.

Ez du erantzunik

2007-06-15 | 16:46:41

Ez dute bihar udal gobernua osatuko

Elduainen ere, ez dute bihar osatuko udal gobernua, ez eta alkatearen izendapenik ere ez dute egin. Tolosaldeko Hauteskunde Batzordeak PPren bost hautagaien uko egitea onartu zuen, baina 250 biztanle baino gutxiagoko herria denez «plaza horiek betetzeko aukerarik ez dagoela» azaldu du. Izan ere, bertan, pertsonari zuzenean bozkatzen zaio. Bost zinegotzi hauen lekuak bete gabe geratzean, Gipuzkoako Aldundia izan daiteke legealdi honetarako Udala gobernatzeko batzorde bat osatzen duena. Hala, egungo zinegotziak mantenduko lirateke.

Ez du erantzunik

2006-09-07 | 12:19:55

Kamioi batek su hartu du A-15 errepidean

Kamioi batek su hartu du A-15 errepidean

Kamioi batek su hartu du A-15 errepidean, Kamioi batek su hartu du A-15 errepidean. Osotara itxi dute, bi karrilak, hain zuzen.

Ez du erantzunik

2006-01-14 | 20:29:53

Patxi Zeberiok bosgarren txapela irabazi du

40 eta 32 irabazi du Auzmendirekin Ezkurraren eta Ionen aurkakoa

Lan bikaina egin du Patxi Zeberio elduaindarrak 2006ko Erremonte Txapelketan. Kide Elizalderekin batera, txapela gehien duen pilotaria da

Ez du erantzunik

2005-12-27 | 17:37:09

Eguberrietako Torneoko finalerako sailkatu da Zeberio II.a

Urrutiaren aurka jokatuko du etzi; fisikoki zein moralki «oso egoera onean eta ilusio handiarekin» aurkitzen dela dio

Patxi Zeberio elduaindarra pilotaleku motzeko Eguberrietako Erremonte Torneoko finalerako sailkatu da Koteto Ezkurra, banakako egungo txapeldunaren aurkakoan garaipena lortu ondoren. Ostiralean jokatuko duen finalerako bai fisikoki bai eta moralki ere oso ondo aurkitzen dela azaldu dio hitzari Elduaingoak.

Ez du erantzunik

2004-04-01 | 17:57:36

Haur eskolaren lehenengo pausuak

Otsailaren 9an jarri zuten martxan haur eskola herrian. Astegunez egunero 08:15ean sartu, eta13:15ak arte izaten dira haurrak bertan, haien gurasoek nahiago baitute haurrek etxean siestatxoa egitea. Hiru haur joaten dira egunero eskolara: Unai Nazabal eta Asier Zeberio (2 urte), eta Asier Gurrutxaga (urtebete). Loren Ezeiza andoaindarra egoten da irakasle lanetan. Gela haurrentzat egokitu eta prestatzen du eskolara sartu bezain laster. Jostailuak erabili ondoren, haurrek dagokien tokietan uzten dituzte. Ezeizaren esanetan, «hasieran kostatu egiten zitzaien gauzak jasotzea, baina pixkanaka-pixkanaka hori ere ikasi dute». Maiatzean zabalduko dute matrikula epea datorren irailean hasiko den ikasturteari begira. Haurrak bertara eramateko motiborik ez da falta.

Ez du erantzunik